Эрүүл мэндийн болон Сурталчилгааны улсын албанд зохион байгуулагдаж буй гамшгаас хамгаалах команд штабын сургуулийн хүрээнд дууриалган үзүүлэх тактикийн дадлага сургуулийг зохион байгууллаа.
Тус дадлага сургуулийг орон нутагт Говь-Алтай, Сүхбаатар, Өмнөговь, Орхон, Төв аймагт, нийслэлд Халдварт өвчин судлалын үндэсний төв, Улсын нэгдүгээр төв эмнэлэг болон Нийслэлийн Эрүүл мэндийн газарт зохион байгуулсан юм.
Дадлагын үеэр хээрийн эмнэлэг дэлгэх, хөдөлгөөнт баг ажиллуулах, гоц халдварт өвчний үеийн хариу арга хэмжээг хэрэгжүүлэх зэрэг бодит нөхцөлд ажиллаж, байгууллага хоорондын уялдаа холбоо, бэлэн байдлыг сайжруулах чиглэлээр ажиллалаа.
Энэхүү дадлага сургуулиар гамшиг, нийгмийн эрүүл мэндийн ноцтой байдал үүссэн үед эрүүл мэндийн салбарын шуурхай хариу арга хэмжээний тогтолцоог бэхжүүлэх, хүн амд үзүүлэх эрүүл мэндийн тусламж, үйлчилгээний тасралтгүй байдлыг хангах бэлэн байдлыг нэмэгдүүлж байгаагаараа чухал ач холбогдолтой юм.
