Лого татаж авах Санал хүсэлт Тусламж И-мэйл шалгах Цаг товлох үйлчилгээ
ЭМЯ   С.ЧИНЗОРИГ: НИЙГМИЙН ЭРҮҮЛ МЭНДИЙН ТУСЛАМЖ ҮЙЛЧИЛГЭЭНИЙ ТОГТОЛЦООГ БИЙ БОЛГОЛОО    ЭМЯ   ЭЛЧИН САЙД Д.ГЭРЭЛМАА ДЭЛХИЙН ЭРҮҮЛ МЭНДИЙН АССАМБЛЕЙН ЧУУЛГАНД МОНГОЛ УЛСЫН БАЙР СУУРИЙГ ИЛЭРХИЙЛЖ ҮГ ХЭЛЛЭЭ   ЭМЯ   АРХАНГАЙН ЗООНОЗЫН ТӨВ СОРЬЦОО ӨӨРСДӨӨ ШИНЖИЛДЭГ БОЛЛОО  ЭМЯ  ДЭЛХИЙН ЭРҮҮЛ МЭНДИЙН АССАМБЛЕЙН 77 ДУГААР ЧУУЛГАН ЭХЭЛЛЭЭ   ЭМЯ   УНТЭ: “БАГШ ШАВИЙН ЭРДМИЙН УУЛЗАЛТ-2024” БОЛЛОО   ЭМЯ  
Шуурхай мэдээ

A- A A+

Гадаад оронд зайлшгүй шаардлагаар эмчлүүлэх


Монгол Улсын Засгийн газрын 2011 оны 226 дугаар тогтоол, Эрүүл мэндийн сайдын 2017 оны “Жагсаалт, журам шинэчлэн батлах тухай” 370, Эрүүл мэндийн сайдын 2018 оны А/206 дугаар тушаалаар батлагдсан журмын дагуу өөрийн оронд эмчлэгдэх боломжгүй өвчин, эмгэгийн улмаас гадаад улсад зайлшгүй шаардлагаар эмчлүүлэх эмнэлгийн дүгнэлт гаргах болон санхүүгийн дэмжлэг үзүүлэх үйл ажиллагааг тус яамнаас зохион байгуулдаг.

 

Бүрдүүлэх материалын жагсаалт

Монгол Улсад эмчлэх боломжгүй өвчин, эмгэгийн улмаас гадаад улсад зайлшгүй шаардлагаар эмчилгээ хийлгэсэн иргэд дараах материалыг  бүрдүүлэн ирнэ.  Үүнд:

  1. Өргөдөл (өвчний товч түүх, нийт зарцуулсан мөнгөн дүн, өөрийн дансны дугаар, холбогдох 2 утасны дугаар)
  2. Иргэний үнэмлэх, хүүхэд бол төрсний гэрчилгээний хуулбар /лавлагаа байж болно/
  3. Оршин суугаа нутаг дэвсгэрийн өрх, сумын Эрүүл мэндийн төвийн тодорхойлолт,
  4. Гадаад оронд зайлшгүй эмчлүүлэх шаардлагатайг тодорхойлсон улсын төрөлжсөн мэргэшлийн эмнэлгийн дүгнэлт, хурлын тэмдэглэлийг эх хувиар өгнө. Дараах төрөлжсөн мэргэшлийн эмнэлгүүдээс дүгнэлтийг авсан байна. Үүнд:
    • Улсын нэгдүгээр төв эмнэлэг
    • Улсын хоёрдугаар төв эмнэлэг
    • Улсын гуравдугаар төв эмнэлэг
    • Хавдар судлалын үндэсний төв
    • Халдварт өвчин судлалын үндэсний төв
    • Гэмтэл согог судлалын үндэсний төв
    • Эх хүүхдийн эрүүл мэндийн үндэсний төв
    • Эс, эд, эрхтнийг шилжүүлэн суулгах үйл ажиллагааг зохицуулах алба    /эрхтэн шилжүүлэн суулгах мэс засалд явах тохиолдолд/
  5. Эрүүл мэндийн даатгалын гэрчилгээ, сүүлийн 5 жил шимтгэл төлсөн тэмдэглэлийн хуулбар
  6. Гадаад оронд эмчилгээ хийсэн эрүүл мэндийн байгууллагын дүгнэлт, төлбөр төлсөн баримтын эх хувь /Англи хэлнээс бусад хэлээр бичигдсэн бол баталгаат орчуулгаар Монгол хэл рүү  орчуулсан байна/
  7. Төлбөрийн баримтыг word/ excel file дээр товьёглон гаргасан байна   

Дээрх мэдээлэлтэй холбоотой тодруулгыг Эрүүл мэндийн яамны 51-263846 дугаар утсаар авна уу.