Эмнэлгийн тусламж, үйлчилгээ үзүүлэхтэй холбоотой тохиолдлыг зэмлэн буруутгахгүй аргаар бүртгэх, тохиолдолд дүн шинжилгээ хийх, дахин давтагдахаас урьдчилан сэргийлэх, эрсдэлийг үнэлж хариу арга хэмжээ авах дадлыг хэвшүүлэх зорилгоор ЭМЯ, Эрүүл мэндийн хөгжлийн төв хамтран “Эрүүл мэндийн тусламж, үйлчилгээтэй холбоотой тохиолдол, эрсдэлийг бүртгэх, хариу арга хэмжээ авах” сэдэвт сургалтыг зохион байгууллаа.
Сургалтаар АШУҮИС-ийн Био анагаахын хүрээлэнгийн захирал, анагаах ухааны доктор, дэд профессор, бичил амь судлал халдварын сэргийлэлтийн тэнхимийн эрхлэгч Ч.Баттогтох “Эмнэлгийн халдварын сэргийлэлт хяналт” сэдвээр, Улсын хоёрдугаар төв эмнэлгийн ЭМТҮЧАБ албаны менежер, тэргүүлэх зэргийн эмч Б.Дулмаа “Чанар сайжруулах арга хэрэгсэл, шалтгаан үр дагаврын шинжилгээ” сэдвээр, АШУҮИС-ийн Монгол-Японы эмнэлгийн Эрсдэлийн албаны дарга, анагаах ухааны доктор С.Элбэгзаяа “Эрүүл мэндийн байгууллагын эрсдэлийн удирдлага” сэдвээр, ЭМХТ-ийн Магадлан итгэмжлэлийн албаны мэргэжилтэн С.Мөнхсүх “Тохиолдол, эрсдэл бүртгэх мэдээлэх нэгдсэн санд ажиллах заавар” сэдвээр мэдээлэл хүргэж, харилцан ярилцаж, санал солилцсон юм.
Энэ удаагийн сургалтад ЭМЯ-ны Эмнэлгийн тусламж, үйлчилгээний газрын Эмнэлгийн тусламжийн чанар, аюулгүй байдлын хэлтсийн мэргэжилтнүүд, Эрүүл мэндийн хөгжлийн төвийн Магадлан итгэмжлэлийн албаны дарга, мэргэжилтнүүд, ЭМЯ-ны дэргэдэх Чанар аюулгүй байдлын салбар зөвлөл, Төрөлжсөн мэргэшлийн эмнэлэг, тусгай мэргэжлийн төвийн ЭМТҮЧАБ-ын албаны дарга нар хамрууллаа.
.jpg)
