21 яам, тамгын газар, агентлагуудаас бүрдсэн 50 гаруй хүнтэй Шуурхай Штабын баг бүрэлдэхүүн ЭМЯ-ны хурлын Б зааланд 24 цагаар байрлан ажиллаж байна.
Монгол Улсад коронавируст халдвараас үүссэн нөхцөл байдлын хүрээнд Гамшгаас Хамгаалах Эрүүл Мэндийн Улсын албаны дарга, Эрүүл Мэндийн сайд Т.Мөнхсайхан, УОК-ын ШШ-ын дарга Б.Ууганбаяр нараар ахлуулсан салбар, салбарын мэргэжилтэнүүд үүсч буй нөхцөл байдлыг хяналтандаа авах, халдварын тархалтыг таслан зогсоохоор цаг хугацаатай өрсөн ажилласаар байна. Нөхцөл байдлыг бүрэн хяналтандаа авахад цаг эрт байгааг Хурандаа Б.Ууганбаяр хэлээд ард иргэдийг сонор сэрэмжтэй байж иргэнийхээ үүргийг өндөрөөр биелүүлж, эрүүл мэнддээ хяналттай байхыг анхааруулж байсан юм.
