“ХДХВ-ИЙН ХАЛДВАРТ ӨРТӨХ ЭРСДЭЛ ӨНДӨР ЭРЧҮҮДТЭЙ БЭЛГИЙН ХАВЬТАЛД ОРДОГ ЭРЧҮҮД, ЭМЭГТЭЙ БИЕЭ ҮНЭЛЭГЧДИЙН ТООГ ТООЦООЛОХ, ЗУРАГЛАЛ ГАРГАХ СУДАЛГАА”- НЫ ТУСЛАХ МЭРГЭЖИЛТНИЙГ ШАЛГАРУУЛЖ АВНАЭМЯ-ны захиалгаар үндэсний хэмжээний “ХДХВ-ийн халдварт өртөх эрсдэлт зан үйл бүхий эрчүүдтэй бэлгийн хавьталд ордог эрчүүд, эмэгтэй биеэ үнэлэгчдийн тоог тооцоолох, зураглал гаргах судалгаа” хийх олон улсын зөвлөхөд дэмжлэг үзүүлэх ТУСЛАХ МЭРГЭЖИЛТЭН-г сонгон шалгаруулалтад урьж байна.
Судалгааны зорилго:
Үндэсний түвшинд ХДХВ-ийн халдварт өртөх эрсдэл өндөр бүлгийн хүн амын (ЭБЭ, ЭБҮ-ийн) тоог тооцоолох, зураглал гаргах
Туслах мэргэжилтэнд тавигдах шаардлага:
- Магистрийн зэрэгтэй
- Нийгмийн эрүүл мэнд, халдварт өвчний чиглэлээр мэргэшсэн
- ХДХВ-ийн халдварт өртөх эрсдэл өндөр бүлгийн хүн амтай ажиллаж байсан туршлагатай
- Баримт бичиг Монгол, Англи хэл дээр ашиглах, боловсруулах чадвартай, англи хэлний ахисан түвшний мэдлэгтэй
- Судалгааны үндсэн судлаач болох олон улсын зөвлөхийг мэдээллээр хангах
- Судалгааны арга аргачлал боловсруулахад дэмжлэг үзүүлэх
- Судалгаанд оролцогч талуудын хамтын ажиллагааг хангах
- Үндсэн судлаач ирж ажиллахад зохион байгуулалт болон орчуулгын ажлыг хариуцан гүйцэтгэх
- Үндсэн судлаач зайнаас үзүүлж байгаа техникийн дэмжлэгийн орчуулгын ажлыг хийх
Бүрдүүлэх материал:
- Судалгааны туслах мэргэжилтнээр ажиллах хүсэлтээ илэрхийлсэн захидал
- Товч намтар
- Магистрийн зэрэг, мэргэжил, мэргэшлийн дипломын нотариатаар батлуулсан хуулбар
- Англи хэлний сургалтанд суусан диплом болон холбогдох материалын нотариатаар батлуулсан хуулбар TOEFL, IELTS-ийн шалгалтын онооны гэрчилгээ
- ХДХВ-ийн халдварт өртөх эрсдэл өндөр бүлгийн хүн амтай ажиллаж байсан ажлын гэрээний хуулбар
Сонирхсон хувь хүн дээрх материалыг бүрдүүлж 2019 оны 5 сарын 17-ны өдрийн 14.00 цагаас өмнө доорх хаягаар ирүүлнэ үү. Мөн дэлгэрэнгүй мэдээллийг доорх хаягаар авах боломжтой.
Жич: Зөвхөн шалгуурт нийцсэн хувь хүнтэй эргэн холбоо барих болно.
Хаяг: Э.Эрдэнэтунгалаг, ХӨСҮТ-ийн ДОХ/БЗДХ-ын ТСА-ны Тархвар судлаач
Баянзүрх дүүрэг, 14 хороо, Нам-Ян-Жугийн гудамж, ХӨСҮТ-ийн 1А байр, 23 тоот, 88111984
