Монгол Улсын Засгийн газрын 2017 оны 24 дүгээр тогтоолоор баталсан "Төрөөс эрүүл мэндийн талаар баримтлах бодлого"-ын 2.4.6.4-т эмийн үйлдвэрт "Эм үйлдвэрлэлийн зохистой дадал"-ыг бүрэн нэвтрүүлэх, Эрүүл мэнд, спортын сайдын 2015 оны 225 дугаар тушаалаар баталсан "Бүртгэлийн болон GMP-ийн шинжээч ажиллуулах журам"-ын 1.2 дахь заалтыг тус тус үндэслэн Эм үйлдвэрлэлийн зохистой дадал /GMP/-ын шинжээчийг сонгон шалгаруулж байна.
Шинжээчээр ажиллахыг хүсэгч нь дараахь шалгуур үзүүлэлтийг хангасан байна. Үүнд:
- Мэргэжлээрээ 10-аас дээш жил тасралтгүй ажилласан,
- Дээд боловсролтой, эрдмийн болон мэргэшлийн зэрэг, цолтой,
- Эрүүл мэндийн байгууллагын үйл ажиллагаанд үнэлгээ, дүгнэлт өгөх, багаар ажиллах чадвартай, дадлага, туршлагатай, мэргэшсэн,
- Ёс зүйн зөрчилгүй, гэмт хэрэгт холбогдож байгаагүй,
- Эм үйлдвэрлэлийн зохистой дадал /GMP/-ын гадаад болон дотоодын сургалтад хамрагдаж, мэргэшсэн.
Шинжээчээр ажиллахыг хүсэгч нь доорх материалыг бүрдүүлж, хүсэлтээ 01 дүгээр сарын 25-ны өдрийн дотор тус яамны Эм үйлдвэрлэл технологийн газарт ирүүлнэ үү. Үүнд:
- Шинжээчээр ажиллахыг хүссэн өргөдөл,
- Эм үйлдвэрлэлийн зохистой дадал /GMP/-ын сургалтад хамрагдсаныг нотлох гэрчилгээ,
- Биеийн байцаалт /Төрийн албан хаагчийн 1 дүгээр маягтаар/,
- Иргэний үнэмлэхийн хуулбар,
- Боловсролын диплом, мэргэшлийн зэргийн үнэмлэхийн хуулбар
- Нэг хувь зураг.
/Холбогдох мэргэжилтэн: Д.Ганзориг, лавлах утас - 261845/
ЭМ, ҮЙЛДВЭРЛЭЛ, ТЕХНОЛОГИЙН ГАЗАР
