Эрүүл мэндийн сайд А.Цогцэцэг өнөөдөр АХБ-ны Суурин төлөөлөгчийн газрын төлөөллийг хүлээн авч уулзан цаашид хэрэгжүүлэх төслүүдийн цар хүрээ, үйл ажиллагааг тодорхой болгох зорилгоор санал солилцлоо.
“Эрүүл мэндийн салбарын мастер төлөвлөгөө (2017-2027) боловсруулах техникийн туслалцааны төсөл”, “Хепатитийн С вирүсийн эрт илрүүлгийн хөтөлбөрийг сайжруулах техникийн туслалцааны төсөл”-үүдийн санхүүжилт нь батлагдсан талаар АХБ-аас сайдад дуулгалаа.
Сайд дээрх төслүүд ихээхэн ач холбогдолтой болохыг тэмдэглэн, талархалтай байгаагаа илэрхийлээд, ЭМЯ-ны зүгээс дэмжиж, хамтран ажиллана гэв.
Тухайлбал, “Эрүүл мэндийн салбарын мастер төлөвлөгөө (2017-2027) боловсруулах техникийн туслалцааны төсөл” хэрэгжсэнээр оролцооны аргаар хүмүүсийг чадавхжуулах, хийнгээ суралцах арга барилыг нэвтрүүлэн ажиллах бөгөөд энэ нь эрүүл мэндийн салбарын хүний нөөцийг бэхжүүлэхэд чухал ач холбогдолтой юм.
