ЭРҮҮЛ МЭНДИЙН ЯАМ

Эрүүл мэнд гэхээр зөвхөн өвчин зовлонгүй байна гэж ихэнх хүмүүс ойлгодог. Түүгээр ч үл барам эрүүл мэндийг хамгаалж, дэмжих нь эмч, эмнэлгийн ажилчдын хийх ёстой зүйл мэтээр төсөөлөх нь түгээмэл байна. Харин ДЭМБ-ын тодорхойлолтоор “Эрүүл мэнд гэдэг нь зөвхөн өвчин, эмгэггүй байх төдийгүй бие бялдар, оюун санаа, нийгмийн амьдралын сайн сайхан байдлын цогц бүрдэл” юм.
Дэлхий нийтийн чиг хандлага ч өөрчлөгдөж, хүмүүс өвчин туссан хойноо эмнэлэгт хандах биш, өвчлөхөөс нь өмнө урьдчилан сэргийлэх, эрүүл мэндээ дэмжих  талаар санаа тавьдаг болжээ.

Анх Эрүүл мэндийн сайдын 2002 оны “Эрүүл мэндийг дэмжигч байгууллага шалгаруулах болзол, журам батлах тухай” 176 дугаар тушаал гарснаар Эрүүл мэндийг дэмжигч байгууллагыг улсын болон орон нутгийн хэмжээнд шалгаруулах, тэдгээр байгууллага, хамт олны үйл ажиллагааг үнэлж, дүгнэх боломж бүрдсэн бөгөөд одоогоор   “Эрүүл мэндийг дэмжигч байгууллага” цол өргөмжлөлийг  2005 -2009 онуудад улсын хэмжээнд нийт 10 байгууллага аваад байна.Үүнд:

Цахим эрүүл мэндийг хөгжүүлэх стратеги, түүнийг хэрэгжүүлэх үйл ажиллагааны төлөвлөгөө Эрүүл мэндийн сайдын 2009 оны 450 тоот тушаалаар батлагдаж, дэд бүтцийг хөгжүүлэх, байгууллага хоорондын өндөр хурдны цахим сүлжээг аймгийн нэгдсэн эмнэлэг хүртэл өргөтгөж салбарын нэгдсэн сүлжээ байгуулах ажлыг эхлүүлсэн юм. Энэ хүрээнд 21 аймгийг ЭМЯ-тай өндөр хурдны сүлжээгээр холбоход шаардагдах 210 сая төгрөг, компьютер, техник хэрэгсэл болон телемедициний тоног төхөөрөмжөөр хангахад 700 сая төгрөгийг улсын төсөвт суулгаж, ЭМЯ-ны харьяа эмнэлэг, төвүүд, аймгийн эрүүл мэндийн газар, нэгдсэн эмнэлгүүдэд Эрүүл мэндийн сайдын 2010 оны 205 тоот тушаалаар 500 компьютер, сүлжээний тоног төхөөрөмжийн хуваарилан олгож байгаа юм.